Foye, Ɲinɛe, nun Faxɛ

Xɛmɛ naxa gi a fa, a xulun. "N birama i fɔxɔ ra yire birin!" Isa naxa ti. "Xuntuxunyie xuyie na e bɛ malabude. Xɔnie tɛe na e bɛ. Kɔnɔ yire mu na n bɛ n n xunyi sama dɛnnaxɛ." Xɛmɛ yatagi naxa masoma. Birafe Isa fɔxɔ ra wama a falade lu se fanyi nun fe raba raba xɔn ma.

Kɔɛ so. Isa nu xaranyi nun raxaranyi rabama lɔxɔɛ birin. A fati bata xui. A nun a fɔxirabirɛe naxa te kunkui kui, e kelixi xarama. Ɲama naxa xurun e xanbi ra. Dimi yee nu itema yare. E wama igirife xare ma nun e malabude nan gbansan ma.

Foye xɔrɔxɔɛ naxa din mafurɛn! Foye nu waama ye xun ma! Ye mɔrɔnyie nu e kasanma kunkui dɛ ma! Fɔxirabirɛe naxa suxu kunkui dɛ ma e e xun matanga. Ye nu ifalama e sanyi bun ma. Yandi Isa? A xi pon kunkui xanbi ra, a xunyi saxi xunsa fari. A xi.

Matt 8:20