Xɛɛmɛ nun Donmɛ Fi

Yesu naxa ɲama to, a bɔɲɛ naxa tɔɔrɔ e ma. E ɲɛrɛma xun nakanaxi nun gaaxui ra, alɔ yɛxɛɛ xuntigi mu naxee bɛ. A naxa a xun ti a xa fɔxɔbirabuie ma. "Xɛ baxi gbo yati! Kɔnɔ walikɛe xurun! Wo Ala maxandi a xa walikɛ gbɛtɛe xɛɛ!"

Yesu naxa a xa fɔxɔbirabui fu nun firinyie xili a makɔrɛ a ra. A naxa sɛnbɛ fi e ma ɲinɛ ɲaaxie xun ma. Sɛnbɛ furemae rayalanfe ra. Sɛnbɛ faxamie rakelife ra. Xɛmɛ darixi fu nun firinyi — yakɔsi sɛnbɛ kerenyi naxan goro Yesu ma, a goroma e fan ma. A naxa e xɛɛ. Ala xa mangɛya na be.

Kɔnɔ a singe ra, a naxa marasi ti. "N wo xɛɛma alɔ yɛxɛɛe nan bare kunda tagi. Wo luma xaxilimae ra. Wo maboron. Mixie fama wo suxude. E wo xaninma kiitisae ya i. Kɔnɔ na na raba tɛmui naxɛ, wo naxa gaaxu wɔyɛnyi falafe ma. Ala Xaxili fama nɛ wɔyɛnyie fife wo ma."

Matt 9:36