استفانس نا گواہی

ہجوم آن ہف بندغ مون آ بریرہ۔ رسول آک اوفتا خڑکی آ دعا کیرہ و تینا دوتے اوفتا کاٹم آتیا تخیرہ۔ مسئلہ نا حل مننگ تون، عیسیٰ نا بارواٹی حوال اول آن ہم زیات تیزی اٹ تالان مریک! زیات آن زیات خلقت ایمان ہتیرہ۔ داڑسکان کہ بھاز آ پادری آک ہم پدی مریرہ و عیسیٰ نا رندٹ کارہ!

ستفناس ہمو ہف بندغ آتیان اسٹ ءِ۔ واک اونا تہان اسہ دریا اسے نا وڑ ترُرک! خدا اونا دوتیان اسہ عجب کاریم اسے آن گڈ پین اس کیک۔ نادراہ بندغ آک درماں مریرہ۔ او ہرکس تون اسہ پُر و خوش ءُ است اسے تون کمک کیک۔ و ہراتم او عیسیٰ نا بارواٹی ہیت کننگ کن تینا با ءِ ملاہک، اونا لوز آک خاخر نا وڑ ہشیرہ۔

گڑاس بندغ آک ستفناس تون جھیڑہ کننگ کن مون آ بریرہ۔ او اونا زی آ سخت آ سوج آتیا سوج خلیرا۔ اودے اڑفنگ نا کوشست کیرہ۔ اودے کم عقل نشان تننگ نا کوشست کیرہ۔ ولے پاک روح ستفناس نا لوز آتے اندن ءُ دانائی اسے تون پُر کیک کہ او ورندی تننگ کپسہ۔ اوفتیان اسٹ ہم اف۔

Acts 6:7