فلپس و ساؤل

استیفن نا کزیت آن گڈ، یروشلم اٹی مشکل آتا اسہ طوفان اس بریک۔ ساؤل اُرا اُرا کاہک، درگہ غاتے لغد ئٹ پاشک! او نرینہ و زالبول آتے کَشسا زندان اٹی خلیک۔ خُدا نا بندغ آک تینا جان تے بچفنگ کن نرِرہ۔ او مچ آ مُلک اٹی تالان مریرہ۔ ولے ہراڑے کہ او کاہرہ، تینتون جوان انگا حوال ءِ ہم دےرہ۔

فلپس سامریہ غا نرےک و ہرکس ءِ عیسیٰ نا بارواٹ پاہک! بھلا ہجوم آک اونا ہیت آتے بِننگ کن بریرہ۔ ناجوڑ آ بندغ آک جوڑ مریرہ و خلیزا تررہ! خراب آ روح آک کوکار کریسا بندغ آتیان پیشن نریرہ! خوشی مچ آ شار اٹی اسہ کُنڈ آن ایلو کُنڈ اسکان تالان مریک۔ ہرکس خُدا نا کاریم نا ہیت ءِ کننگ اٹی ءِ!

سامریہ ٹی شمعون پن نا اسہ بندغ اس رہینگک۔ سال آتسکان او تینا جادو اٹ مچ آ شار ءِ حیران کریسس۔ بندغ آک اودے اسہ بھلو بندغ اس پاریرہ۔ ولے ہراتم فلپس اوفتے عیسیٰ نا بارواٹ پاہک، تو شمعون ہم ایمان ہتیک! او دیر اٹی کاہک و ایلوفتا وڑ بپتسمہ ہلیک۔

Acts 8:1