سلیمان نا شان

داؤد پیر مریک۔ اونا جان کمزور ءِ ولے اونا دماغ ترند ءِ۔ او اسرائیل نا کل کماش آتے اوار کیک۔ یہوواہ سلیمان ءِ ہیکل جوڑ کننگ کن گچین کرے! کنا دو تیٹی باز جنگ آتیاں باز دتر ارے۔ ولے ای ہمو کل گڑاتے جمع کرینوٹ ہراکہ سلیمان ءِ غرج مریک۔ سونا۔ چاندی۔ دیار نا چُٹ۔ ڈول آک تیار اریر!

سلیمان ورنا ءِ و مون آ کاریم بھلو اسے۔ داؤد خواہک کہ او اودے تیار کننگ اٹ کمک کے۔ او ہیکل کن سونا و چاندی نا ڈھیر تے جمع کیک۔ او پیتل و آسن و دیار نا بڑز آ لٹ آتے اسہ کنڈ آ تخک۔ او کماش آتے اوار توار کیک۔ کنا مار نا کمک ءِ کبو! اونا تون سلیبو! ہراکہ نوم کننگ کینہ ایتبو!

داؤد لاوی تے عبادت کن ساز نا کماش کیک۔ گڑاس رباب خلیرا۔ گڑاس چنگ خلیرا۔ گڑاس کھنجڑی تے زور اٹ خلیرا! آسف کل نا کماشی کیک۔ او وار وار اٹ کیرہ تاکہ ساز ہچ سلیپ۔ ہر دے، گانا غاک ہمو خیمہ نا خڑک ہوا ٹی بڑز کاہرا ہراڑے عہد نا صندوق تخوک ءِ۔

1 Chron 28:1