داؤد: ابشالوم نا بغاوت

امنون، ہرا داؤد نا مار تیان اسٹ ئِ، تینا متیاوہ ایڑھ تمر ءِ خواہی. دا خواھش اونا تہٹی باسنی نا باریم ہسیک. اونا خاڑزئی اوڑے اسہ خراب آ پلان اس ایتک. ناجوڑ مننگ نا بہانہ کر. داؤد آن خوا کہ او تمر ءِ نے کن کننگ جوڑ کننگ کن مونیفے۔ امنون ہندن کیک. داؤد تمر ءِ اونا اُرا آ مونیفک. او تہٹی کائک. او پند...

تمر امنون نا کوٹہ ٹی کننگ ہتیک. او اوڑے پکڑیک. آخا! او فغاں کیک. مہربانی کر سلیبو! گڑا امنون اوڑا زور کیک. ولدا اونا تہٹی اسہ چیز اس بدل مریک. اونا است ٹی نفرت پُر مریک. پیش تم! او چیخک. اسہ نوکر اس اوڑے پیش بٹک و درگہ ءِ تالک کیک. تمر ہال اٹی یک و تنہا سلیینے. پرشتوک.

تمر تینا ڈولدار آ گُد ءِ درک. او تینا کپر آ خُل شولیک. او ہوغیسا کائک. اونا ایلم ابی سلوم اوڑے خنک و تینا اُرا آ دریک. داؤد پند کیک انت مس. اونا تہٹی غصہ ہسیک. گڑا او ہچ کپک. ابی سلوم ہم امنون ءِ ہچ پاپک. گڑا تہٹی، نفرت ودیک. دا ارٹ بھلا سال اسکان ودیک.

2 Sam 13:1