سفر نا انجام

یعقوب و یوحنا نا لُما مرید آتا نیام آن مونا بس و عیسیٰ نا مون آ شیف خڑینک تس۔ "کنتون وعدہ کر کہ کنا اِرا مارک نا بادشاہی ٹی نا راستی و چپ آ تولور۔" عیسیٰ ایلم تا پارہ غا ہڑسنگا۔ "انت نم ہمو پیالہ غان کُنینگ کیرے ہراڑان ای کُنینگ کن اُٹ؟" او زوت ورندی تسر۔ "نن کُنینگ کینہ۔" عیسیٰ قراری اٹ کاٹم ءِ...

ایلو دہ مرید آک دانا بارواٹ بِنگر و اوفتا غصہ ہِڑسا۔ عیسیٰ غٹ ءِ خڑک توار کرے۔ "دا دنیا نا حکمران آک تینا طاقت اٹ خلقت ءِ دھکہ ایترہ۔ ولے نم آخا ۔ ہرکس کہ نمے ٹی بھلا مننگ خواہک اودے ایلوفتا خذمت کنوئی ءِ۔ بنی آدم تینا خذمت ءِ کرفنگ کن الّو۔ او خذمت کننگ و تینا زندگی ءِ تننگ کن بسوسس۔"

یرِیحو نا خڑک دُوڑ آ کسر اس۔ اِرا کور آ بندغ کپر آ تولوسر، دُوک ملوک، پِنڈنگ اسُر۔ او اسہ خلقت اسے نا خڑک برنگ نا توار ءِ بِنگر۔ او توار کریر، "داؤد نا مار، ننا آ رحم کر!" خلقت اوفتے چُپ کننگ نا پارے۔ او زیات توار کریر۔ عیسیٰ چلینگنگ آن سلیس۔ مچ آ خلقت چُپ مس۔ "اوفتے کنا کرّا ہتبو۔"

Matt 20:20