ہالیگیں قبر

سلیب ءَ چہ دُور، جنینانی یک ٹولی ء ہوار اوشتاتگ ءُ چارگا انت. آ گلیل ءَ چہ تانسریں راہ ءَ عیسیٰ ءِ پُشتا آتکگ انت. آواں آہی ءَ ورگ داتگ، آہی ءِ خیال داشتگ، آہی ءِ گوما میلانی میل پیدل شتگ انت. مریم مگدلینی آوانی تہا انت. آہی ءِ چم کدی آ تہاریں کوہ ءَ چہ دُور نہ بنت. آ ہر چیز گندیت.

آ بیگاہ ءَ، یوسف نامیں یک امیریں مردے پلاتُس ءِ دروازگ ءَ کیت. یوسف عیسیٰ ءِ یک چیریں منوگرے انت. آ جان لوٹیت. پلاتُس یک سپاہی ء لوٹائینیت. ”اے مرد راستیا مرتگ؟“ سپاہی سر سُرینیت. پلاتُس یوسف ءَ ہما چیز دنت کہ آ آہی ءِ واستہ آتکگ ات.

یوسف جان ءَ سلیب ءَ چہ جہل کار ایت. آ آہی ءَ ساپیں اسپیتیں پُچے ءِ تہا پیچیت، آرام ءُ نرمیا. نیکودیمس نامیں یک مردے کل کنگ ءِ واستہ وتی دستانی تہا وش بوہیں مسالہ کار ایت. آ ہوار جان ءِ سرا پُچ پیچ انت ءُ مسالہ آں تہا چیر دیاں. پدا آ آہی ءَ یک نوکیں کلے ءَ بر انت کہ ڈوک ءِ تہا ٹُپگ بوتگ ات.

Matt 27:55; Mk 15:40; Lk 23:49; Jn 19:25