صلیب ٢

سنگ ءِ ہال ءِ توک ءَ، پیلاطس وتی دیم ءِ مرد ءَ را چار ایت. "تو یہودیانی بادشاہ ئے؟" عیسیٰ آئی ءِ چمانی توک ءَ چار ایت. "منی بادشاہی اے دُنیا ءَ چہ نہ اِنت." پیلاطس نزیک تر کیت. "گڑا تو بادشاہ ئے؟" عیسیٰ گشیت، "من آتکگ آں کہ راستیں گپ بگوَشاں." پیلاطس چُپ بیت. پدا آ پُس پُس کنت، "راستیں گپ چے اِنت؟"

سپاہی عیسیٰ ءَ را شھر ءِ توک ءَ ہیرودیس ءِ محل ءَ بَر اَنت. وھدے کہ ہیرودیس آئی ءَ را گند ایت آئی ءِ کندگ کیت. آھری رند ءَ! آ یک معجزہ یے، یک شو یے لوٹ ایت. آ یکے ءِ رند ءَ دگہ جست پُرس ایت. بلے عیسیٰ چُپ اوشتایت. یک دانکے ھم نہ. ہیرودیس ءِ کندگ کپیت. آئی ءِ سپاہی عیسیٰ ءَ را یک شریں پوشاکے دَینت...

پیلاطس عیسیٰ ءَ را مچّی ءِ دیم ءَ ڈنّ ءَ کیار ایت. تیزیں کُنٹگانی تاجے آئی ءِ سر ءَ پُتر ایت. ھون آئی ءِ دیم ءِ سرا بارگیں سُھریں رھانی وڑ ءَ بُگ اَنت. یک جامنی پوشاکے آئی ءِ جتگیں کوپگانی سرا لٹکگ اِنت. پیلاطس وتی دست ءَ عیسیٰ ءِ نیمگ ءَ کَشّ ایت ءُ کوکار کنت، "مرد ادا اِنت!" مچّی پدا کوکار کنت،...

Jn 18:33