Tɛtɛe Man Ti I

Ɲɛe naxa dangi xɔɲɛ mangɛe bun ma. Salibanxie kui, mixie nu Munsa nun Nabiye xa kidaabie xaranma xui itexi ra. Babadie nu taariixi forie falama e xa die bɛ kɔɛ ra. Mixi nde bɔɲɛ naxa te. Mixi nde naxa sɛriyɛ xunxurie birin nabatu. Mixi wuyaxi nu e makarama lɔxɔɛ birin dangi ra wuti xɔrɔxɔɛe nun...

Xɔɲɛ mangɛe naxa tɔɔrɛ sa lɔxɔɛ birin duniɲigɛ ma. Wuti maxinimae nu na dɛ birin kɔkɔfe. Sɔɔrie nu siganumama kirae xɔn. Taa yareratie nu e xinbi sinma mangɛ xunxurie bɛ naxee nu makuya. Mixie nu wɔyɛnma Alatala xa mangɛya fe ma tɛmui naxan ma e nu luma mangɛya bun ma naxan mu nu Alatala kolon feo.

Yire makuya nde ma, mangɛ fonikɛ nde xili Alekisandire nu bara gere wuyaxi nɔ. A xa sɔɔrie naxa siga soge ite dɛ duniɲa ma. Mixi yo mu nɔ e tande. Bɔxi tɛmɛe naxa rabira. Taae naxa e xa naadee rabi. Mangɛ nɛɛnɛe nu na fafe, nun duniɲa birin nu na masarafe.

Acts 15:21; Lk 4:16