Simaya, Faxɛ, nun Lasari

Taali gbɛtɛ. Nafuli kanyi nde xa walikɛ xunmati nde nu na, naxan nu a xa wali ralima. Kɔnɔ walikɛ naxa a kanyi xa nafuli kana. Wɔyɛnyi naxa so nafuli kanyi xui ma. A naxa a xa walikɛ xili, a ya ite a ma. "N munse mɛxi i xa fe ra yi ki? I xa wali bara dangi. I mu nɔma walide n bɛ sɔnɔn."

Walikɛ naxa bura tande. A xaxili naxa ifu. A munse rabama yakɔsi? A sɛnbɛ mu na gɔɔre xaba de. A a yɛtɛ igbooxu mixi mayandi de kira xɔn ma. A wama fe xuruma nde nan ma. A wama mixie nan ma naxee nɔma a rasɛnɛde e xɔnyi tɛmui a se yo mu luma a yi.

Xaxili nde naxa fu a bɛ. A naxa mixie birin xili naxee ma doni nu luma a kanyi ma. E naxa fa keren keren. "I xa doni xuri mundun na?" A naxa e xa kɛyidie tongo, a mabandun sɛbɛli naxan na a fari, a doni xurunnyi sɛbɛ a fari. Xa a e mali yakɔsi, tɛmunde e fan a malima nɛ a xanbi.

Lk 16:1