Isa Kapɛrɛnamu

Isa nun a xarandi nɛɛnɛe naxa so Kapɛrinami. E naxa siga Piyɛri xɔnyi, banxi di nde ye fɛma. Baa xiri nu soma windie ra. Yi yire xunxuri naxa findi e sabatide ra. Be nan e nu donse donma, e laamatun, e wɔyɛn han kɔɛ tagi.

Banxi kui, Piyɛri bitanyi ginɛ fure gbeegbe nu fukama. Isa naxa a bɛlɛxɛ suxu. Fure naxa bɔ. Na ki nan ma. A naxa keli keren, a donse rafali fɔlɔ e birin bɛ. Soge naxa goro. E naxa dɔxɔ, e donse don e boore fɛma. Na banxi xunxuri naxa rafe yɛlɛxui ra.

Kɔɛ naxa so, mixie naxa malan banxi dɛ ra. E naxa fa e booree nun e ngaxakerenyie ra ɲinnɛe nu naxee tɔɔrɔma. Ɲinnɛ ndee naxa sɔnxɔ e to Isa to. A naxa a fala e bɛ e xa dundu. A naxa e keri, keren keren. E birin sese naxa bɔ.

Mk 1:29