Darisalamu Kala

Asiriya bara bɔnɔ. Yakɔsi Yuuda bara balan Misira kɔɔla mabiri nun Babilɔn sogetede mabiri tagi. Mangɛe e yɛtɛ masarama tɛmui birin. E kɔbiri fima. E laadi tongo alako e xa kisi. Namiɲɔnmɛe a falama a gere na fafe. Darisalamu mu kantama abada.

Misira naxa te kɔɔla ma gere rabade bɔxi suxufe ra. Babilɔn xa sɔɔrie naxa e ralan Karekɛmisi. Gere naxa xɔrɔxɔ, wuli naxa bɔxɔ. Babilɔn naxa nɔ! Misira xa sɛnbɛ kɔɔla ma naxa kana alɔ fɛɲɛ. Yakɔsi Babilɔn naxa a ya rabira Yuuda mabiri.

Nɔya xungbe dangi xanbi Karekɛmisi, Nebukadanesari naxa gbilen a xɔnyi a xulunyi ra. A baba bara faxa. A naxa mangɛ taxasi sa a yɛtɛ xun ma a findi Babilɔn mangɛ ra. Sɔɔri xunmati naxan Misira kana na man naxa Babilɔn sɛnbɛ birin suxu a bɛlɛxɛ.

2 Kgs 24:1; Jer 25:1