Yunubi Xafari nun Te Koo Raba

E nu wɔyɛnfe waxati naxɛ, banxi kui naxa masara. Isa naxa mini e ma. A tixi e tagi. Naadɛ mu rabi. Sanyi xui mu mɛ. Isa ɲɛri yati nan naxa mini banxi tagi. A naxa a ya ti e ya ma, a a fala, "Bɔɲɛsa xa lu wo bɛ."

E naxa sɔnxɔ. Ɲinɛ! A lanma a xa findi ɲinɛ nan na! Kɔnɔ Isa naxa a bɛlɛxɛ ite, a a sanyi fan ite. "Wo nin n ma," a naxa a fala. "Ɲinɛ mu sube nun xɔri sɔtɔxi alɔ n tan." E naxa din a kiri yati ra. Nɔndi nan nu a ra. Na xanbi a naxa dɛgesi maxandi. E naxa yɛxɛ xuntunyi fi a ma, a a don e ya xɔri...

Isa naxa foyen e ma, xulɛnyi fanyi, alɔ foye xulumaxi ye xun ma ki naxɛ. "Baba nan n xɛɛxi," a naxa a fala. "Yakɔsi n fan bara wo xɛɛ." E naxa se to mini e kui, se nɛɛnɛ naxan ɲɛrɛma. "Wo Xaxili Sɛniyɛnxi sɔtɔ. Xa wo mixi xa yunubi xafari, na yunubi ba xafari nɛ. Xa wo mu a xafari, na yunubi luma...

Lk 24:36; Jn 20:19