Tɛsalonikikae Firin Ndee

Pɔlu man kɛɛdi sɛbɛ nɛ Tesaloniki danxaniyatɔɛe ma. Hinnɛ nun bɔɲɛsa keli Ala Baba nun Marigi Isa Ala xa Mixi Sugandixi ma. Yi wɔyɛnyie mu nu findixi xɛɛbuyi gbansan na. E nu luxi nɛ alɔ ye naxan ifoxi bɔxi xaraxi ma. Hinnɛ e suxu nɛ e tagan dɛnnaxan. Bɔɲɛsa fa nɛ dɛnnaxan gaaxui mu e raso kɔɛ ra.

Pɔlu a bɛlɛxɛe ite nɛ a Ala tantu. E xa danxaniya nu na mawarama nɛ. E xa xanunteya gboma nɛ e bore tagi. Tɔɔrɛ xɔrɔxɔe nu dinkitima nɛ e ma alɔ baa mɔrɔnyie. Kɔnɔ e mu kana. E lu nɛ laxu Ala ra tɔɔrɛ birin kui. Danxaniyatɔɛ ɲama gbɛtɛe naxee nu na yire makuyee e xa fe mɛ nɛ e fa e xilie falan...

E xa tɔɔrɛ dangi sena nde nan ra. Ala fee toma nɛ! Ala kiiti sa a fanyi ra. E findima nɛ a xa mangɛya daxamixie ra. Ala kiiti tinxinyi nan sama. A sare ɲaaxi fima nɛ mixi tɔɔrɔma mixie ma. A malabui fima nɛ mixie ma naxee tɔɔrɔma. Ala ya ye ifoma birin toma nɛ. A fee birin yailan ki kolon.

2 Thessalonians 1:1