Mark 13

¹ Iffɣ Yasuε ɣ lkniṣyt. Iṭṭlay yan ɣ imḥḍaṛn ns s iɣrban mqqurnin. Inna yas: "A mεllm! Ẓṛ iẓṛan ad! Ẓṛ tgmma ad mqqurnin!"

⁸ "Tamazirt rad tnnaɣ d tmazirt yaḍn. Tagldit rad tnnaɣ d tgldit yaḍn. Rad ilin ndudiyen n wakal. Rad yili laẓ. Lεadab ɣ kraygatt amkan. Mac mayad iga ɣir tazwara, zund tiyytiwin timzwura lliɣ trm tawtmt ad taruw."

⁹ "Swağadat. Rad kwn amẓn zzuɣṛn kwn mnid n inbbaḍn. Rad kwn wutn ɣ tmzgidiwin. Rad tbdadm mnid n lḥukkam d igllidn f idm inu. Tudrt nnun rad tg tmatart nnun."

¹⁰ "Mac zwarn, iqqand ad ilkmn inɣmisn ifulkin kraygatt tamazirt."

¹⁴ "Isawl nbi Danyal f tɣawsa ixcn iccmitn lli isxlaṣn kullu mad illan. Iɣ tt tẓṛam tbd ɣ umkan lli ɣ ur d iqqan ad tbd, rwalat! Iɣ tllam ɣ tmazirt n Yahuda, rwalat s idrarn zrbi! Walli yaqran mayad, issfdk mad nniɣ."