Mark 1

⁴ Yucka d Yuḥanna. Izdɣ ɣ lxla. Inna i midn ad fln ddnub nsn sssiridn. Ɣikann as rad asn ismḥ Ṛbbi.

¹⁴ Lli ɣ igar ugllid Yuḥanna s lḥbs, idda Yasuɛ s Ljalil. Inna i kullu midn Lmubaccirat f Ṛbbi.

¹⁶ Ar ittmuddu Yasuɛ ɣ tama n yill n Ljalil. Iẓṛa Simɛan d gmas Andraws ar ggrn isatarn nsn s waman. Gan imṣggiadn n isulman.

¹⁹ Idda Yasuɛ imik s lgddam. Iẓṛa Yaɛqub d Yuḥanna, tarwa n Zabadi. Ggawrn ɣ fluka nsn ar xiyyḍn isatarn nsn.

²¹ Ddan kullu s tmdint n Kafrnaḥum. Ɣ wass n Ssabt, ikcm Yasuɛ s wadɣar lli ɣ smunn midn f ddin. Ibda ar islmad.