Numbers 11

¹ मानिसहरू गनगनाउन थाले। याहवेले हरेक शब्द सुन्नुभयो। उहाँको रिस दन्कियो! याहवेबाट आगो निस्कियो! त्यो शिविरको किनार-किनार फैलियो र बाहिरको सबै कुरा खायो।

⁴ त्यसपछि, उनीहरूसँग भएका केही बाहिरी मानिसहरू भोकले पागल जस्तै भए। चाँडै नै इस्राएलको पूरै शिविर फेरि रून थाल्यो। उनीहरूले विलाप गरे, "हामीलाई मासु चाहियो! कसले हामीलाई मासु खान दिन्छ?"

³¹ त्यसै बेला, याहवेबाट एउटा कडा हुरी चल्यो! त्यसले समुद्रबाट बट्टाई चराहरू उडाएर ल्यायो! ती चराहरू शिविरको चारैतिर खसे। ती चराहरू सबैतिर एक दिनको बाटो जति टाढासम्म खसे! ती भुइँमा मानिसको कम्मरसम्म आउने गरी थुप्रिए!

³³ तर मासु मुखमै हुँदा, उनीहरूले एक गाँस निल्नुभन्दा अघि नै, याहवेको रिस उनीहरूमाथि दन्कियो! उहाँले मानिसहरूलाई एउटा भयानक रोगले हिर्काउनुभयो!

³⁴ उनीहरूले त्यो ठाउँको नाम किब्रोथ हत्तावा राखे। यसको अर्थ "लालचका चिहानहरू" हो। त्यहाँ उनीहरूले भोकको लालचमा पर्ने मानिसहरूलाई गाडे।