Mga Hadi sa Israel

Minalalag si Elijah a nabi sa atubangan ni datu Ahab. Mimbagak su mga mata nin. Dala ulan a mangyadi sa lopa inya. Dala isa a tak. Mapayag bu iyan bu sa saba ku. Rido inya kani Baal, su tuhan na ulan. Midtedtal su langit. Mida su mga awan. Umag gay, mimamara su lopa endu mikang.

Pidsabutan ni Yahweh kani Elijah a malilid sa maliput a ig sa pawas. Umag mapita endu umag magabi, madagel a maliboteng a uwak a minawid sa pan endu sapi sa mga tuka nilan. Mininum si Elijah sa mapia a ig. Ugayd pedsikutan a mamara su lopa. Isa a gay, naging lebak su ig. Endu dala den. Mida su ig.

Inidaw ni Yahweh si Elijah sa isa a miskin a babay a balo sa Zarephath. Aden bu marikik a tapung sa isa a tibud endu maliput a lana sa isa a tibud. Tama bu para sa isa a kapusan a kanaan. Piyasikapan ni Elijah a pakakan siya a mauna. Buntutan ka aku. Di mipapasa su tapung. Di mibpaleng su lana...

1 Kgs 17:1