Nabinasa su Herusalem

Nagkamang su Asiria. Saguna na nakasengku su Juda sa lëk lëkan nu Ehipto sa edtem endu Babilonia sa sebangan. Pedselaselang sa balidlan su manga hadi sa di magkaped. Pembayad silan sa buhis. Pedtalad silan para bu matabu a mauyag. Pedsapalan silan nu manga Nabi a makawma den su kambunwa. Di mabaluy...

Minalalakaw su Ehipto sa liyamin ka embunwa para makapet nilan su lopa. Midsabeta silan nu manga sondalo nu Babilonia sa Karkemis. Masla endu masekaw su kambunwa. Nakadaug su Babilonia! Nabedas a lagid na koden a lopa su bagal nu Ehipto sa liyamin. Saguna na inilay nu Babilonia su Juda.

Kangganat kanu masla a kadaug sa Karkemis, apasan a mimbabalingan sa walay si Nabucodonosor. Minatay su ama nin. Inibetad nin su korona sa ulu nin endu mimbabalo a hadi sa Babilonia. Su idsan a kapitan a nipedtas kanu Ehipto na saguna na kipet nin su langun a bagal nu Babilonia sa manga lima nin.

2 Kgs 24:1; Jer 25:1