1 Corinthians 4

¹ लोक हमरा सबकेँ एहि तरहें देखथि। हम मसीहक सेवक छी। परमेश्वर अपन गुप्त सत्यक रखवारी करबाक लेल हमरा सब पर भरोसा केलखिन्ह अछि।

⁶ भाई आ बहिन सब, अहाँक भलाईक लेल हम अपन आ अपुल्लोसक उदाहरण देलौं अछि। हमरा सब सँ सीखू। परमेश्वरक वचन सँ आगू नहि बढ़ू। तखन केओ सेहो घमंड नहि करत आ ककरो खिलाफ एक-दोसराक पक्ष नहि लेत।

⁸ अहाँ सब तँ एना व्यवहार कऽ रहल छी जेना अहाँक लग सब किछु अछि! अहाँ सब तँ धनी भऽ गेल छी! हमरा सबहक बिना अहाँ राजा जकाँ राज कऽ रहल छी! हम चाहैत छी जे अहाँ सचमुच राजा जकाँ राज करितहुँ! तखन हमहुँ अहाँक संग राज करितौं!

¹⁴ हम अहाँकेँ खराब महसूस करेबाक लेल ई सब नहि लिखि रहल छी। हम अहाँकेँ एकटा पिता जकाँ चेताबनी दैत छी जे अपन बच्चा सँ प्रेम करैत अछि।

¹⁸ अहाँ सबमे सँ किछु लोक घमंड सँ भरि गेल छी। अहाँ सब एना करैत छी जेना हम कहियो घुड़ि कऽ नहि आबि रहल छी।