1 Corinthians 15

¹ भाइ आ बहिन सभ, हम जे नीक समाचार अहाँकें सुनाओल, ओकरा विषयमे हम अहाँकें मोन पाड़य चाहैत छी। अहाँ ओकरा दुनू हाथ सँ पकड़लहुँ। आ एखनो अहाँ ओही पर खड़ा छी।

¹² हम सभ प्रचार करैत छी जे मसीह मरल लोक सभमे सँ जीबि उठलाह। तँ अहाँमे सँ किछु लोक कोना कहि सकैत अछि जे मरल लोक वापस नहि जीबैत अछि?

²⁰ मुदा सत्य ई अछि! मसीह सचमुच मरल लोकमे सँ जीबि उठलाह! ओ गाछ सँ तोड़ल गेल पहिल फल छथि। ओ जीबि उठयवाला पहिल लोक छथि। ओ हमरा सभकें देखाबैत छथि जे बाकी सभ मरल लोक सँग की हैत।

²¹ एकटा लोकक कारण दुनियामे मृत्यु आयल। मरल लोकमे सँ जीबि उठब सेहो ओहिना, एकटा लोकक द्वारा अबैत अछि।

²⁴ ओकर बाद, अन्त आयत! ओ परमेश्वर पिताकें राज्य सौंपि देताह। मुदा ओकरा सँ पहिने हुनका हर एक शासक, हर एक शक्ति, आ हुनकर विरुद्ध ठाढ़ हर एक अन्धकारक ताकतिकें नाश करय पड़तनि।