Genesis 3

¹ Azrem d lḥayawan iḥercen akk ɣef lewḥuc n lexla yexleq Yahweh Ṛebbi. Iḥrec fell-asen merra. Yenna i tmeṭṭut-nni: "S tidet yenna-yawen-d Ṛebbi ur tetteṭṭem ara seg yal ttejṛa deg tbaḥirt?"

⁵ "Ṛebbi yeẓra belli asmi ara teččem seg-s, ad d-ldin wallen-nwen. Ad tuɣalem am Ṛebbi, tssnem lxiṛ d cceṛ."

⁶ Tmuqel tmeṭṭut-nni ttejṛa. Lfakya-nni tban-d d zeddigit. Tcebbeḥ i wallen. Yerna ad tt-terr d tamusnawt! Tḍelq-d afus-is. Tekkes-d lfakya-nni. Tebgez-itt. Tečča. Syinna tefka kra i wergaz-is yellan yid-s. Yečča ula d netta.

⁷ Ldin-d wallen-nsen. I sin yid-sen. Walan lǧettat-nsen. Ɛeryan! Ddmen-d iferrawen n tbexsisin, msedlen-ten, sseṭren iman-nsen.

⁸ Tamdit-nni, isubb-d ubeḥri asemmaḍ deg tbaḥirt. Slan i ṣṣut n Yahweh Ṛebbi yettili. Argaz-nni d tmeṭṭut-is ffren ger ttjuṛ.