Genesis 2

⁷ Yeddem Yahweh Ṛebbi akal seg lqaɛa. Yexleq argaz. Yeqreb ɣur-s, isuff-as deg wanzaren-is nnefs n tudert. Argaz-nni yuɣal yedder!

⁸ Yezzu Yahweh Ṛebbi tabaḥirt ɣer ccerq, deg Ɛeden. Yerra argaz-nni dinna.

⁹ Yessemɣi-d Yahweh Ṛebbi ttjuṛ seg lqaɛa. Ttjuṛ cebbḥit. Ttjuṛ ččuṛent d lfakya yelhan. Di tlemmast n tbaḥirt, llant snat n ttjuṛ: ttejṛa n tudert, d ttejṛa n tmusni n lxiṛ d cceṛ.

¹⁶ Yefka Yahweh Ṛebbi yiwen n lameṛ i wargaz-nni. "Ečč seg yal ttejṛa yellan deg tbaḥirt. Yal ttejṛa i tebɣiḍ."

¹⁸ Yenna-d Yahweh Ṛebbi: "Ur yelhi ara ad yili wargaz weḥd-s. Ad as-xedmeɣ tamɛawent ara s-iwulmen."