Genesis 3
1 মাবুদ আল্লাহ্ যত্ত জংলী জানোয়ার বানাইয়ে, সাপ আছিল সবচাইতে চালাক। সব জানোয়ারর চাইতেও চালাক। ইবা মেইয়া মাইনষ এউয়ারে খইয়ে, "আল্লাহ্ কি হাচাই খইয়ে যে, তোঁয়ারা বাগানর কোনো গাছত্তুন খাইতে ফারতা নো?"
5 "আল্লাহ্ জানে যে, তোঁয়ারা যহন ইবাত্তুন খাইবা, তোঁয়ারার চউখ খুলি যাইব। তোঁয়ারা আল্লাহ্র মতন অই যাইবা, ভালা-বুরা বুঝি ফারিবা।"
6 মেইয়া মাইনষ এউয়া গাছটার দিঘে চাই রৈয়্যে। ফল উবা দিখতে মেলা মজা লাগের। দিখতে হুন্দর। আর ইবা তারে সমজদার বানাইব! তাই হাত বারাইয়ে। তাই ফল এউয়া ছিঁইজ্যে। তাই খামুর দিয়্যে। তাই খাইয়ে। তারফরে তাই তার জামাইরেও কিছু দিয়্যে, যিবা তার লগেই আছিল। হেতেও খাইয়ে।
7 ইতারার চউখ খুলি গেইয়্যে। দুইজুনরই। ইতারা ইতারার গতরর দিঘে চাইয়ে। নাংডা! ইতারা ডুমুরর ফাতা ছিঁইজ্যে, ফাতাগুলি সিলি খইজ্যে, ইতারার গতর ডাইকখ্যে।
8 ঐ হাইঞ্জাবালা, বাগানত ঠান্ডা বাতাস দিত। ইতারা মাবুদ আল্লাহ্র আডনর আওয়াজ হুননি। মাইনষ এউয়া আর তার বউ গাছর ফিসে লুখাই রৈয়্যে।