ہفت مُہر

میلہ اولیکو مہر ءِ پرغیک. زندہ غا مخلوق آتیان اسٹ ہور آنبار چیہانڈ خلیک. بر. اسہ پیون آ ہلی اس خننگک. دانا سوار نا دو ٹی غلیل اسے. کس اس اونا سر آ تاج اس تخک. او کٹیا کن پیش تمک، و او کٹیا کننگ آن سلپک.

میلہ ارٹمیکو مہر ءِ پرغیک. اسہ زندہ غا مخلوق اس چیہانڈ خلیک. بر. اسہ خیسن آ ہلی اس مون آ کاہیک، دتر آنبار گہرا خیسن. سوار نا دو ٹی اسہ بھلو خنجر اسے. اونا طاقت ءِ کہ ڈغار آن امن ءِ کشے. بندغ آک اسہ ایلو نا پارہ غا مرسا اوفتے خلیرہ.

میلہ مسٹمیکو مہر ءِ پرغیک. اسہ مون کیہئی آ ہلی اس پیش تمک. دانا سوار نا دو ٹی اسہ ترازو اسے. زندہ غا مخلوق آتا نیام آن اسہ توار اس بریک. تھوڑا غا خولُم نا قیمت اسہ دے نا مزدوری ءِ. مسے چنکو مٹھ جوا نا قیمت ہم ہنداد ءِ. ولے تیل و خمر ءِ ہچ پپیس.

Rev 6:1