ڈغار نا بشخ و بانٹ

یاہوہ دُشمن ءِ خلیس اٹی شاغک! او اسہ وار اٹ ہر کنڈ آ نریرہ. ولدا آسمان آن برف انا بھلا ٹکڑاک تمیرہ! تپغ تیان زیات بندغ آک برف آن کھسکر. یشوع بڑز حُرک و دُعا کیک. او یاہوہ آن خواست کیک کہ دے ءِ تورے. دے آسمان نا نیام اٹ ہموڑے سلیک! بنی اسرائیل ہمے وخت اسکان جنگ کیرہ ہراتم اسکان او کٹپسہ.

پنچ بادشاہ نریسہ غار اسے ٹی ڈُکّرہ. یشوع پُوہ مریک کہ او ہراڑے ءُ. او بندغ آتے حکم ایتک کہ غار انا مون آ اسہ بھلو خل اس تر کرفر. پہرہ دار آک غار انا چارونڈ آ سلیرا. بنی اسرائیل ایلو لشکر آتا رند اٹ تمیرہ. بادشاہ ک تینا تہاری آ غار اٹی انتظار کننگ کیرہ.

جنگ آن گڈ، یشوع پنچ بادشاہ تے غار آن پیشن ہتیک. او تینا راہشون آتے پاہک کہ تینا نَت تے بادشاہ تا گردن تیا تخبو. "خلیپبو!" یشوع پاہک. "یاہوہ نما غٹ دُشمن تتون دا وڑ کرو." ولدا یشوع بادشاہ تے خلیک. اوفتا جون آک دے تمنگ اسکان دِرخت آتیا ٹنگوک سلیرا.

Josh 10:10