خالی قبر

سولی آن مُر، زالتاتا اسہ ٹولی اس اوار سلیوک ءِ و ہُرنگ ءِ۔ او گلیل آن پورو کسر عیسیٰ نا پد اٹ بسر۔ او اودے خراک تسر، اِنا خیال ءِ تخیر، میل آتا میل اِنا پہلو ٹی پند کریر۔ مریم مگدلینی اوفتا نیام اٹی ءِ۔ اِنا خنک کدی ہم ہمو تہت آ مش ءِ الیپسہ۔ او ہر گڑا ءِ خنیک۔

ہمو شام، یوسف پن انا اسہ امیر ءُ بندغ اس پیلاطس نا دروازہ غا کاہک۔ یوسف عیسیٰ نا اسہ اِخفا ءُ منوک اسے۔ او جان نا خواست کیک۔ پیلاطس اسہ سپاہی اسے خاہک۔ "انت بندغ راست اٹ کہونے؟" سپاہی کاٹم ءِ سُرفیک۔ پیلاطس یوسف ءِ ہمو گڑا ءِ ایتک ہراکہ او دانا کن بسوسس۔

یوسف جان ءِ سولی آن شیف ہرفیک۔ او اودے صفا آ، پیاوَ ءُ کپڑہ اسے ٹی، قرار و نرمی اٹ وڑیک۔ نیکودیمس پن انا اسہ بندغ اس خڑ کننگ کن وش آ مسالہ غاتے دوتا بوجھ اٹ ہتیک۔ اوار او کپڑہ ءِ جان نا ارد گرد وڑیرہ ہراٹی مسالہ غاک تہتی تخوک ءُ۔ ولدا او اودے اسہ پوسکن ءُ خڑک اسے ٹی دریرہ ہراکہ راست خل آن کٹوک ئس۔

Matt 27:55; Mk 15:40; Lk 23:49; Jn 19:25