فلپی تے

پولوس فلپی شار اٹ ایماندار آتے چٹھی اس لکھک۔ اونا است اوفتا شکر آن پُر اس! او اولیکو دے آن خوشخبری ءِ تالان کننگ اٹ اونا کمک ءِ کریسُر۔ او دعا کرے کہ اوفتا مہر پین بھلا و بھلا مرے۔ و دانے اسہ گڑا اسنا باوری اس: خدا ہمو گڑا ءِ پُرا کیک ہرا او اوفتیٹ شروع کریسس!

اونا دو تیا زنجیر آک۔ اونا ایب و کیب دیوال آک۔ ولے خوشخبری ہنسا کرے۔ گارڈ آک ہریار کہ پولوس جیل اٹ انتئے تولوسس۔ ایلو ایماندار آک اونا دلیری ءِ خنار و اوفتا تہٹی گڑاس بدل مس۔ اوفتا خلیس ختم مس۔ او وتی باہ تے ملار و یسوع نا بارواٹ ہیت کریر! گڑاس راست آ مہر آن دا وڑ کریر۔ گڑاس مسلہ جوڑ کننگ کن دا وڑ...

پولوس مسیح کن عزت ہتنگ خواسکہ، زندہ یا کزوک۔ کزنگ نا مطلب سیدھا مسیح نا بغل اٹ ہننگ اس۔ دا جوان لگاکہ! ولے زندہ مننگ نا مطلب پین جوان آ کاریم کننگ اس۔ تو او سلنگ نا گچین کاری ءِ کرے۔ او اوفتا باوری ٹی ترند مننگ و خوشی تون پُر مننگ اٹ کمک کننگ خواسکہ تانکہ دا پُر مرسا پیش تمے۔

Philippians 1:1