جلاوطنی ٹی زند

گواکوک یات کرے کہ خدا انت کریسس! "نی مصر آن اسہ انگور نا درخت اس ہتیس! نی قوم تے کشیس او اونا جاگہ ءِ جوڑ کریس! نی ڈغار ءِ صاف کریس۔ انگور نا درخت خڑینک ہلک او پورو ڈغار آ تالان مس! مشک اونا سایہ ٹی ڈکھار۔ اونا لڑک سمندر اسکان رسینگار!" اسرائیل ہمو انگور نا درخت اس۔ خدا تینٹ اودے خلک او اودے ودفے۔

یاہوہ یسعیاہ نا کمک اٹ حیران کن لوز آتون ہیت کرے۔ "ای پوسکن آ آسمان او پوسکن آ ڈغار جوڑ کننگ اُٹ! پین ہچ خڑینک ہتنگ اف! پین ہچ خفگی اف! چناک ورنائی ٹی کپرور۔ پیرغاک پورو زند تیر کرور۔ بندغ آک اُرا تفور او اوفتیٹی رہینگوور۔ او باغ خلور او اونا میوہ ءِ کنور۔ خڑپ او مری یکجا کنور! کنا پاک آ مش آ کس اس...

اُرا غان مُر، یہودی جلاوطن آک اسہ پٹ آ او خشک آ ڈغار اس اٹی نہر اس نا کنڈا رہینگار۔ او تینا دو تیٹ خٹ نا اُرا تفیر۔ کماش آک حزقی ایل نا ہیت آتے بنگ کن مچی مسر۔ دا عجب آ جاگہ غا ہم، یاہوہ نا دو اونا زی آ بس۔ یاہوہ تینا بندغ آتون ہیت کننگ ءِ التوسس۔

Ps 80:8