اسرائیل نا بادشاہک

پیغمبر ایلیاہ سِدھا بادشاہ اخی اب نا خڑک کاہک. اونا خنک بُسیرہ. دا ڈغار آ ہچ ءُ ہور اس تمپک. اسہ ٹِپ اس ہم اف. ہراتم اسکان ای پاپروٹ. دا بعل، طوفان نا خدا، نا برخلاف جنگ اسے. آسمان سلیسنے. جمبر آک گُم مریرہ. دے پہ دے، ڈغار بِنک و درز مریک.

یہوواہ ایلیاہ ءِ پائک کہ اسہ جنگل اٹ اسہ چنکا ندی اسے نا خڑک ڈک. ہر سباہ و ہر نن، بھلا مون آ کاغک تینا چُنج آتیٹی نوت و گوشت ہرفیسہ شیف بال کیرہ. ایلیاہ یخ آ ندی آن دیر کنک. ولے ڈغار زیات و زیات بِنک. اسہ دے ندی خٹ اٹ بدل مریک. ولدا ہچ اس اف. دیر ہنا.

یہوواہ ایلیاہ ءِ صرفت اٹ اسہ نیزگار ءُ بیوہ اسے نا ہرا مون ایتک. اونا دُوٹ اسہ لوٹا اسے ٹی بھاز کم آٹا و اسہ جگ اسے ٹی تیل انا اسہ ٹِپ اس ارے. صرف اسہ آخری خواراک اسے کن. ایلیاہ اودے پائک کہ مست اودے خواراک ایت. کنا ہیت آ باور کر. آٹا خٹپک. تیل سلپک. او شاغک. لوٹا پدا پدا پر مریک. دا کدی خالی مفک!

1 Kgs 17:1