انصاف نا خواست 2

اسور نا لشکر نا ہننگ آن گڈ، حزقیاہ بھاز ناجوڑ مریک۔ اودے یقین ءِ کہ او کہو۔ یسعیاہ بریک و اودے پاہک کہ او تیار مرے۔ دا ناجوڑی اونا زند ءِ ہلو۔ حزقیاہ تینا مون ءِ دیوال نا کنڈا چَپ کیک۔ خنک اونا گلخ آتیا بہیرہ۔ ”یہوواہ، یات کر کہ ای ہن ڈول زند گدریفٹ! یات کر کہ ای ہن ڈول مچ آ اُست تون نا پدری ءِ...

یہوواہ یسعیاہ ءِ پوسکن آ ہیت آتتون پدی راہ کیک۔ حزقیاہ زندگ مرو! بس گڑاس دے نہ۔ پانزدہ سال پین! خذمت گاراک اونا زخم آ انجیر نا اسہ گرم آ ٹِکی اس زور ایترہ۔ ہولیکا، اونا مون نا رنگ پدی بریک۔ اونا خنک پین پٹینگِرہ۔ او بادشاہ ہرا کہسا ہس جوان مرنگ نا بناء کیک۔

حزقیاہ اسہ نشانی اسے نا خواست کیک کہ یہوواہ اودے اسل اٹ جان جوڑ کرو۔ یسعیاہ پاہک کہ یہوواہ پوڑی تیا اسہ ساخ اسے پدی درو۔ او یہوواہ ءِ توار کیک۔ ہندا وخت آ، ساخ غلط آ کسر آ سریک۔ او مون آ ہننگ نا جاگہ غا پدی کاہک۔ حزقیاہ و اونا خذمت گاراک ہُرِرے۔ ہچ کس ہیت کننگ کپک۔

Isa 38:1