2 یوحنا

اَسی راہشون اَس تینا قَلم ءِ ہرفِک. او اَسی زالبول اَس و اونا چُنا تیکن لِکِک. او اوفتون مِہر کیک. ہمو وَڑ غٹ ہمو بندغ آک ہم کیرہ ہرافک راستی ءِ پوہ ءُ. راستی نُما تہہ ٹی زندگ ءِ. دا ہمیش ننتون سلیک. فضل، رَحم، و سلامتی باوہ خُدا و اونا مار عیسیٰ مسیح آن جہل بریرہ.

گچین آ ہیت راہشون اسکان رَسێنگِک. اونا گڑاس چُناک راستی ٹی کسر آ ہِنیرہ. اونا اُست خُوشی اٹ پُر مریک. او ہِچ پوسکن آ قانون اَس تِپک. دا ہمودے ہرا او بِناء آن بِنگنو: اَسی اِلو تون مِہر کبو. و مِہر انا مَطلب ہمو کاریم ءِ کننگ ءِ ہرا خُدا پاہک. دا ہمو کسر ءِ ہرا خُدا مُرغن آ وَخت آن نُما کن جوڑ کرینے.

باز دروغ تروک آک دُنیا ٹی پیشن ہِنانو. او پاپسا کہ عیسیٰ راست آ جان اٹی بس. ہُشیار مَبو. ہمو گڑا ءِ گاری کپبو ہرا کن نُم سَخت کاریم کرینے. ہر ہرا کہ مون آ ڈُکِک و عیسیٰ نا سِیکھفِنگ ءِ اِلیک او خُدا تون اَف. سِیکھفِنگ تون سلیبو. تو نُم تون باوہ و مار ہڑتوم آک ءُ.

2 John 1