عیسیٰ کئے انت؟

عیسیٰ دریاچہ پار کنت. بلے مچی آئی ءَ روگ ءَ نہ دیئنت. آ بوجیگاں سوار بنت. آ تیاب ءِ کرّ ءَ پند جن انت. وھدے کہ آ گڈسرا آئی ءَ سر بنت، آ آئی ءِ چاریں نیمگ ءَ مچی کن انت، ساہ گپتگ. "تو ادا چطور سر بوت ئے؟" آ آئی ءَ سرپد بوت نہ کن انت.

عیسیٰ آہاں پہ شرّی گند ایت. "شما منی رندا آتک ات پرچا کہ من شمئے لاپ سیر کرت انت. بس ہمے یکیں سوب انت کہ شما ادا ات." آئی ءِ توار سک بیت. "ہما ورگ ءِ واسطا کار کنگ ءَ بند کن ات کہ ہراب بیت. ہما ورگ ءِ واسطا کار کن ات کہ مدام پشت کپ ایت. اے ہما چیز انت کہ الّمی انت."

مچی پدا ٹیلّ دنت. "مارا یک نشانی یے پیش بدار! مارا ثبوت بدے!" عیسیٰ وتی بازواں پچ کنت. "منی پت چہ آسمان ءَ راستیں نگان راہ دنت. ءُ آ نگان من آں. من زندمانی ءِ نگان آں. ہرکس کہ منی نیمگ ءَ کئیت آ ہچبر پدا ہرسگ نہ بیت. ہچبر ٹنیگ نہ بیت."

Jn 6:22