قول پورا بوت

لابن یعقوبئے ملاکاتئے پہ تچت ءُ در آتک۔ آئی ءَ آئی ءَ بگل کُت ءُ مہر ءَ گوں گپت۔ آئی ءَ آئی ءَ چُک اِت۔ آ یعقوب ءَ وتی گدان ءَ بُرت، ءُ یعقوب ءَ آئی ءَ دراہیں حال دات اَنت۔ آئی ءَ لوگ چون یلا کُت۔ آ تہنا چون شُت۔ آئی ءَ چاہئے گور ءَ راخیل چون رست۔ لابنئے دیم ءَ یک مزنیں کندگے آتک۔ "تو منی وتی ہون...

چیزے وہد ءَ پد، لابن ءَ یعقوب ءَ جُست کُت کہ آئی ءَ وتی کارئے بدل ءَ چے پکار اِنت۔ یعقوب پیسر ءَ زانت اَت۔ آ راخیلئے مہر ءَ کپتگ اَت۔ آئیئے پسو زوت آتک: "اگن تو منا راخیل ءَ سانگ کنگئے اجازت دیئے، من تئی پہ ہپت سال کار کناں۔" لابن ءَ سر سُرینت۔ سودا پکا بوت۔

ہپت سال۔ یعقوب ءَ سُچوکیں روچئے توک ءَ پسانی چارگ کُت۔ آئی ءَ آواں سردیں، تہاریں شپانی توک ءَ سلامت داشت۔ بلے آ سال روچانی وڑا گوز اِت اَنت پرچا کہ آ راخیلئے باز مہر ءَ اَت۔ وہدے گُڈّی روچ آتک، یعقوب لابنئے گور ءَ شُت۔ "وہد ہلاس اِنت۔ منی زال منا بدے۔"

Gen 29:13