ڈگار بہر بوت

یہوواہ دُژمن ءَ را ترسے ءِ تہ ءَ دور دنت! آ یکبرے ہر نیمگ ءَ تچ اَنت۔ گڑا چہ آسمان ءَ ہِژداریں برپ ءِ ٹُکر کپ اَنت! چہ زہماں گیشتر مردم چہ برپاں مِر اَنت۔ یوشع بُرز ءَ چار ایت ءُ دعا کنت۔ آ یہوواہ ءَ چہ لوٹ ایت کہ روچ ءَ بہ اوشتارین ایت۔ روچ آسمان ءِ نیم ءَ ہمود ءَ اوشت ایت! اسرائیل جنگ کنان کنت...

پنچیں پادشاہ تچ اَنت ءُ گارُکے ءِ تہ ءَ چیر بنت۔ یوشع گِند ایت کہ آ کُجا اَنت۔ آ مرداں ہُکم دنت کہ دروزاگ ءِ سر ءَ یک مزنیں ڈوکے لیٹ بہ دئی اَنت۔ پاسپاں گارُک ءِ چارگ ءَ اَنت۔ اسرائیل دگہ لشکرانی رندگیری کنگ ءَ اِنت۔ پادشاہ وتی تہاریں ٹُنگ ءِ تہ ءَ ودار کُت کن اَنت۔

جنگ ءَ رند، یوشع پنچیں پادشاہاں چہ گارُک ءَ در کار ایت۔ آ وتی مستریں مرداں گْوش ایت کہ وتی پاداں پادشاہانی گردنانی سر ءَ ایر بہ کن اِت۔ یوشع گْوش ایت، "مہ ترس اِت! یہوواہ شمارا تمامیں دُژمنانی گوما انچوش کنت۔" گڑا یوشع پادشاہاں کُش ایت۔ آہانی جون درچکانی سر ءَ ٹنگگ بنت تانکہ روچ کپ ایت۔

Josh 10:10