ستفنس ءِ گواہی

ہپت مرد چہ مردمانی میان ءَ دیم ءَ کایَنت۔ رسول پہ آواں دعا کن انت ءُ وتی دستاں آوانی سرا ایر کن انت۔ گوں اے جیڑہ ءِ حل بوگ ءَ، عیسیٰ ءِ بابت ءَ ھال چہ پیسر ءَ گیشتر تِزگی ءَ شنگ بیت! گیشتر ءُ گیشتر مردم باور کن انت۔ حتٰی کہ بازیں پادری ہم وتی راہ ءَ مٹّین انت ءُ عیسیٰ ءِ رندگیری ءَ کن انت!

اسٹیفن چہ ہپتاں یکے اِنت۔ طاقت آئی ءِ توک ءَ چہ یک کورے ءِ وڑا بہیت! خدا آئی ءِ دستانی وسیلہ ءَ یکے رند ءَ دومی عجبیں کار کنت۔ نادراہیں مردم دراہ بنت ءُ رونت۔ آ ہرکسا گوں یک پُر ءُ وشیں دلے ءَ کمک کنت۔ ءُ وھدے کہ آ عیسیٰ ءِ بابت ءَ گپ جنگ واستہ وتی دپ ءَ پچ کنت، آئی ءِ گپ گوں آس ءَ سُچ انت۔

لہتیں مرد اسٹیفن گوں بحث کنگ واستہ دیم ءَ کایَنت۔ آ یکے رند ءَ دومی، آئی ءِ سرا گراں گرانیں جست کن انت۔ کوشش کن انت کہ آئی ءَ رَد بہ کن انت۔ کوشش کن انت کہ آئی ءَ بے وقوفے پیش بہ دار انت۔ بلے پاکیں روح اسٹیفن ءِ گپاں چوشیں دانائی یے گوں پُر کنت کہ آ پسّو دات نہ کن انت۔ چہ آواں یکے ہم نہ۔

Acts 6:7