کوہ ءِ سر ءَ وعظ ١

بیگاہ بوت ءُ عیسیٰ ایوک ءَ کوہ ءِ سر ءَ سرکپت۔ آ دراہیں شپ اود ءَ جلّیت۔ استاراں آئی ءِ سر ءِ آسمان پُرّ کرت۔ آئی ءِ پُست ءِ سر ءَ ہوا سرد بوت۔ آئی ءَ دعا کرت۔ آئی ءَ خدا ءِ ہمراہ گپ کرت۔ آئی ءَ آ وھد تک ہلاس نہ کرت تاں کہ کوہانی سر ءَ سباہ ءِ روژنائی شنگ نہ بوت۔

سباہ بوت۔ عیسیٰ ءَ وتی منّوکاں کوہ ءِ سر ءَ توار کرت۔ آوانی دراہانی توک ءَ، آئی ءَ دوازدہ مرد گچین کرت۔ دوازدہ۔ چوش کہ اسرائیل ءِ دوازدہ بچ اتنت، عیسیٰ ءِ نوں دوازدہ منّوک اتنت۔ آئی ءَ آواں یک چوشیں کارے دات کہ دنیا ءَ مٹّ کنت: خدا ءِ مہر ءَ دراہیں مردمانی گوما بر انت۔

عیسیٰ وتی دوازدہ نوکیں منّوکانی ہمراہ کوہ ءَ چہ جہل ءَ آتک۔ یک مزنیں ہجومے جہل ءَ ودار ءَ ات، کہ پتنیں ڈگار ءِ سر ءَ دیمانی یک دریا ءِ وڑ ءَ شنگ اتنت۔ نادراہاں وتی دست دیم ءَ کرت انت۔ عیسیٰ آوانی توک ءَ ترّت، ہماواں دست جنگ ءُ دراہ کنگ ات یکے رند ءَ دگہ یکے۔ ہر یکین ءَ۔

Lk 6:12