زند، مرگ، ءُ لعزر

دگہ یک کسّہے. یک مالداریں مردے ءَ را یک مینیجرے ہست اَت کہ آئی ءِ کار بار ءَ چلاہینگ ءَ اَت. بلے مینیجر ءَ وتی واجہ ءِ زرّ زوال کُت اَنت. اے ھبر مالداریں مرد ءِ گوْشاں رَست. آئی ءَ مینیجر ءَ را توار کُت ءُ آئی ءِ دیم ءَ چار اِت. "اے چی اِنت کہ من تئی بابت ءَ اِشکن آں؟ تئی کار ھلاس اِنت. تو نوں منی...

مینیجر لُڈّان ءَ دروازگ ءَ در آتک. آئی ءِ ہئیال تیز ءَ تچگ ءَ اَت اَنت. نوں چی؟ آ چات کنَگ ءِ واستہ انچو زورانک نہ اَت. آ ڈگّانی سرا پنڈگ ءِ واستہ باز مگروْر اَت. آئی ءَ را یک کِردے پکار اَت. آئی ءَ را مردم پکار اَت اَنت کہ وھدے آئی ءِ کرّا ہچ پشکپتگ نہ بیت، گڑا آ آئی ءَ را وتی لوگ ءَ بَر اَنت.

پدا آئی ءِ ہئیال ءَ یک شَوْرے آتک. آئی ءَ ہما دُرساں توار کُت کہ آئی ءِ واجہ ءِ وامدار اَت اَنت. یک یک ءَ، آ آتک اَنت. "تو چنکَہ وامدارئے؟" آئی ءَ آیانی ہساب زُرت اَنت، نمبر کَٹّ اِت اَنت، ءُ کسانیں نمبر لِکّ اِت اَنت. اَگاں آ نوں آیانی کمک بِہ کنت، شایت پدا آ آئی ءِ کمک بِہ کن اَنت.

Lk 16:1