بابل ءُ ہدا ابراھام ءَ گوانک جنت

سام ءِ چُک بوت انت۔ حام ءِ چُک بوت انت۔ یافث ءِ چُک بوت انت۔ آ چُکانی چُک بوت انت۔ ھاندان گروہ جوڑ بوت انت۔ گروہ پُرایں قوم جوڑ بوت انت۔ آ زمین ءِ سرا شنگ بوت انت۔ نوکیں زمین۔ نوکیں لوگ۔ دنیا پدا انساناں چہ پُر بوھگ ءَ ات۔

نمرود۔ حام ءِ نواسگاں چہ یکے۔ آ دگہ مردانی وڑ ءَ نہ ات۔ آ یک مزنیں شکار کنوکے، یک زوراوریں جنگولے، ءُ شہراں جوڑ کنوکے جوڑ بوت۔ شنعار نامیں یک ڈگارے ءِ توک ءَ، آئی ءَ دیوال ءُ بُرزیں منارہ جوڑ کت انت۔ یک شہرے ءِ نام بابل ات۔ مردم ھر جاگہ ءَ چہ آتک انت تاکہ آئی ءِ زور ءِ چیر ءَ زندگ بہ بنت۔

زمین ءِ سرا ھر انسان انگت یکیں لبز گپ جنگ ءَ ات۔ درستانی واستہ یکیں زبان۔ آ شنعار ءِ یک پٹیں زمینے ءِ سرا نشت انت۔ آھاں ھاک ءَ چہ ہشت جوڑ کنگ ءُ گرمیں ڈامر ءِ گون ءَ یکجا کنگ دربرت۔ پدا یک ھیالے آتک۔ آ یک چوشیں چیزے جوڑ کن انت کہ دنیا ءَ کدی نہ گند اتگ۔

Gen 10:1