Genesis 46

¹ ইস্ৰায়েলে নিজৰ সকলো বস্তু বান্ধি ল'লে। তেওঁ যাত্ৰা আৰম্ভ কৰিলে। তেওঁ বেৰ-চেবাত ৰ'ল। তাত তেওঁ জন্তু মাৰিলে আৰু তেওঁৰ পিতৃ ইচহাকৰ ঈশ্বৰৰ আগত বলি দিলে।

⁵ যাকোব বেৰ-চেবাৰ পৰা উঠিল। ফৌৰণে পঠিওৱা গাড়ীবোৰত তেওঁৰ পুত্ৰসকলে তেওঁক উঠাই দিলে। তেওঁলোকে নিজৰ সৰু ল'ৰা-ছোৱালী আৰু পত্নীসকলকো তাত উঠালে।

²⁸ যোচেফক বিচাৰিবলৈ যাকোবে যিহূদাক আগত পঠিয়ালে। যিহূদাই তেওঁলোকক গোচেনলৈ বাট দেখুৱাই নিব। তাৰ পাছত গোটেই পৰিয়াল গোচেন পালেগৈ।

²⁹ যোচেফে নিজৰ ৰথ সাজু কৰিলে। তেওঁ দেউতাক ইস্ৰায়েলক লগ পাবলৈ গোচেনলৈ দৌৰি গ'ল! তেওঁক দেখা মাত্ৰকে, যোচেফে দেউতাকক সাবটি ধৰিলে। তেওঁ বহুত সময় ধৰি খুব কান্দিলে।

³¹ যোচেফে তেওঁৰ ককায়েকহঁতক আৰু দেউতাকৰ ঘৰৰ সকলোকে ক'লে, "মই ফৌৰণক লগ কৰিবলৈ যাম। মই তেওঁক ক'ম যে তোমালোক মোৰ লগত থাকিবলৈ কনানৰ পৰা আহিছা।"