Genesis 42

¹ Islla Yaɛqub is illa imndi ɣ Miṣra. Iggut iẓri ɣ tarwa nns inna: "Max a f tggawrm ɣid? Max as ar ittmuqul yan gwn yan?"

⁶ Yawsf a igan unbbaḍ f wakal ɣ tizi an. Nttan ad izznzan imndi i mdden kullu lli d yuckan. Lliɣ d lkmn aytmas, knuwn nn mnid nns ar akal. Srsn udmawn nnsn f wakal.

⁷ Iẓra tn Yawsf. Yissan tn ɣakudan. Maca iskr ɣ ixf nns zund abrran. Iqqur wawal nns inna asn: "Zɣ mani tkkam?" Rarn as d: "Nkka d akal n Kanan. Ncka d a nsɣ ucci."

¹⁷ Igr tn kullu ɣ lḥbs. Kraḍ wussan.

²⁷ Yiwi d yiḍ. Bddn ad ssunfun. Irẓm yan gisn iɣrar nns ad iscc aɣyul nns. Iẓr iqariḍn nns srsn f uflla n iɣrar.