Genesis 3

¹ Iga iggiɣr aḥraymi f kullu lwḥuc lli iskr Yahwa Ṛbbi. Iɛdl fllasn kullu. Inna i tmɣart, "Is id fṣaḥḥ inna Ṛbbi, ur tcttam ɣ awd yat taddagt n turtit?"

⁵ "Issn Ṛbbi is iɣ gis tctcam, rad rẓmnt walln nnun. Rad tgtm zund Ṛbbi, tssnm lxiṛ d ccrr."

⁶ Tmuqql tmɣart ɣ taddagt. Tbayan d tgmutt nns imim. Tfulki i wmuqql. Rad st tzɛm! Tssiɣz afus nns. Tccyyṛ tigmutt an. Tcc ixs gis. Tctc tt. Tfki as awd urgaz nns lli dars illan. Ictc tt ula ntta.

⁷ Rẓmnt walln nnsn. S sin. Muqqln tafgga nnsn. Iɛrayn! Asin d ifrawn n tazart, gn tn atn ffrn.

⁸ Ɣ tmeddit an, ismmiḍ lḥal ɣ turtit. Slan i tsawnt n Yahwa Ṛbbi ar ittmuddu. Iffr ufgan d tmɣart nns ɣ gr taddagin.