Genesis 25

⁷ Iddr Ibrahim ɣ ddunit miyya d smmus d sbɛin asggʷas.

²¹ Ur tẓḍar Ribqa ad taru. Iẓẓal Isḥaq s Yahwa fllas. Iṭlb t. Isfld Yahwa. Tasi Ribqa s uḥlig.

²² Ar kkʷatn wazzann ɣ uḥlig nns. Ar tmrwiwn. Ar tmmaɣn. Tsnɣms ɣ wazaɣ. "Iɣ ɣmkad a igan, ma ira tudrt yad?" Tddu s d id ukan s dar Yahwa ad t saqsa.

²⁷ Mqqurn d tfrxin. Mzarayn kullu. Iga Ɛisu angmar. Iɣawl. Ijhdi. Ira asuk azagz. Iqqama Yaɛqub ihdna. Ira ad iqim tama n igiṭn. Tama n tgmmi.

²⁹ Yan wass ibdd Yaɛqub tama n tgdirt. Ismur tccu. Irɣa d ikwt. Yucka d Ɛisu zɣ igran. Ur as aqqamn iḍarrn nns. Yumẓ t laẓ n lmut.