Genesis 15

¹ Ḍaṛt ɣayann isawl Yahwa i Ibram ɣ targit. "Ur tiksaḍt, a Ibram. Hati kkiɣ d ɣid. Nki a iglan agʷrṭṭal nnk. Rad k ḥḍuɣ. Nki a iglan rrbḥ nnk mqqurn!"

⁴ Irur as d Yahwa. "Uhu! Ur rad yawi urgaz ann tɣawsiwin nnk. Mac yiwk ntta rad tn yawi. Yan yiw ɣ idmmn nnk!"

⁹ Inna as Yahwa, "Awi yi d yat tfunast, yat tɣaṭṭ, d yan ukerruc. Kraygat yan illa dars kraḍ isggʷasn. Awi d ula yat titbirt d yan gḍiḍ imẓẓiyn."

¹¹ Ggʷzn d igḍaḍ mqqurnin ɣ ignna! Raan ad ccn tifiyyi. Ismussu Ibram ifassn nns. Isfuɣ tn id.

¹² Tḍṛ tfukt. Igʷn Ibram yiḍs iẓayn. Ur iẓḍaṛ ad ifaq. Dls tillas nna isskṣaḍn iḍal fllas.