Genesis 2

⁷ Kinuwa nu Yahweh a Alatala su bubuk sa lupa. Pimbaalan nin su mama. Midtaik sekanin endu iniyup nin sa ngilong nu mama su ginawa nin. Mimbagel su liyab nu mama. Niau-uyag sekanin!

⁸ Mimbamola su Yahweh a Alatala sa namomolan lu sa sebangan, sa Eden. Binitang nin su mama lu.

⁹ Pimbaalan nu Yahweh a Alatala a mutun su manga kayu sa lupa. Manga mapiya a kayu a matilak a ilayin. Manga kayu a madakel a mapiya a unga nin. Sa lumbak nu namomolan na aden dua a kayu, su kayu nu uya-uyag endu su kayu nu katao sa mapiya endu marat.

¹⁶ Nibi nu Yahweh a Alatala sa mama su isa a sugo. "Kaan ka su unga na maski ngin a kayu sa namomolan. Maski ngin a kayu a paka-ibegan nengka."

¹⁸ Nidtalo su Yahweh a Alatala, "Di mapiya u magisa-isa bu su mama. Mbaal ako sa tabang nin a pakatimbang sa lekanin."