Genesis 15

¹ Kaniyagapan, nakabitiyara si Yahweh kani Abram lu sa isa a taginep. "Di ka pegkawan, Abram. Niyan ako lu. Ako i kelas ngka. Pakaliyu-en ko seka. Ako i pamasad ngka. Mataas i arga ko laban sa langun nan!"

⁴ Kinagi mibaling i Yahweh. "Da! Di makakwa i mama nan sa manga tamuk ngka. Su wata ngka i makakwa kaniyan. Isa a wata uman sa lawas ngka benal!"

⁹ Kinagi i Yahweh, "Apit ka sa laki sa isa a sapi, isa a kanding, endu isa a bimbili a mama. Oman isa na telu i lagun nin. Apit ka mambo sa isa a limuken endu isa a bago a papanok."

¹¹ Nakalugan sa liyu su manga mala a papanok uman sa langit! Pakan nilan i sapu. Kinampay i Abram su manga lima nin. Piniyatalu nin silan liyu.

¹² Lumines su senag. Miyatulug sa mandalem si Abram. Di sekanin makatay a matunaw. Niyalupungan sekanin na makapal a nakapangangawan a magituman.