Psalms 18
1 Kaangguy pemimpin musik. Dhari Daud, abdina Yahweh. Daud anyanyi oca' reya ka Yahweh e are Yahweh mapalamet Daud dhari saneyap mosona ban dhari Saul. Daud aoca', "Abdina taresna ka Junandalem, Yahweh, kakowadanna abdina!"
2 Yahweh reya batona abdina, se akas akanta bato! Salerana kennengnganna abdina asompen se kowat! Salerana se ngatonangi abdina bebas! Allah abdina reya bato kaangguy abdina asompen! Salerana tamengnga abdina! Salerana marengi abdina kakowadan kaangguy terros! Salerana ngadeg akanta manara se ta' bisa ancor!