Isaiah 53
2 Wakulili neyi mukabu wamunyanya mwiseki danyanya nawa dakola. Neyi miji mwiseki dafwa. Kwosi chuma mudi yena chakuletesha kwamba nakushinshila. Twamumweneña nakubula kutiyahu chuma.
4 Ilaña yasendeli kukata kwetu! Yanoneleña kukabakana kwetu nakukusha hamafwiji indi! Twatoñojokeli netu Nzambi yadi kumweta hanshi. Twatoñojokeli netu Nzambi wamukabishileña.
7 Amukabishili. Amweteli. Kanwa kindi kajiikilili. Neyi kana kamukoku yaya kumpoku yakabali. Neyi mukoku wahola hampinji yamutetañawu weya windi. Hajiikwili kanwa kindiku.
10 Ilaña fwila yaYehova yadiña yakumukabisha. Yadiña yakumwinzisha nakukata. Wumi windi wafweteli nshidi. Katataka wakamona anyanindi! Mafuku indi akeya nakutwalekahu. Chuma chakeñañayi Yehova chikadiiwuna muloña wayena.
11 Hanyima yakukabakana kwejima, wakamona ichi chuma nawa wakawana kuwundisha. Kambanji kami wamuwahi wakaletesha antu amavulu kwikala aloña kudi Nzambi muloña amwiluka. Wakañanina nshidi yawu hanyima yindi.