1 Corinthians 14
1 Temukilenu kukeña! Nawa eña, lombenu kudi Nzambi yawana yamuSpiritu Yindi. Ilaña kubadika yejima, lombenu chawana chakuprofweta mazu atiyañawu antu.
6 Amana kwami nianakwami, toñojokenuhu. Neyi inza kudi enu ninakuhosha mumadimi mwabulawu antu kwiluka? Kwiji nikuyikwasha ñahi? Chikuyikwasha kwosi. Chiña neyi niyileja chuma chikuyikwasha. Chuma chinanamwekesheliwu kudi Nzambi. Chuma chinadizi. Nsañu yinafumini kudi Nzambi. Chuma chinitesha kuyitañisha.
20 Amana kwami nianakwami, lekenu kutoñojoka neyi anyanya. Kutalisha kukukoña yuma yatama, eña, ikalenu neyi atwansi abula kwiluka yatama chiyidi. Ilaña chimutoñojokaña, kulenu mumaana.
26 Dichi chuma chitela kumwekana chidihi, amana kwami nianakwami? Neyi mupompa hamu, muntu wumu waletaña lwimu. Mukwawu waletaña ntañishilu. Mukwawu waletaña chamumwekesheleli Nzambi. Mukwawu waletaña dimi dabula kwiluka. Mukwawu waletaña lumbulula yadina idimi. Yuma yejima yimwakoña yikoleshiña muntu namukwawu!
34 Muyipompelu, ambanda atela kumwena. Hiyetejewa kuhoshaku. Atela kulondela añata jawu, neyi kwesekeja namazu ahosha lushimbi.